福音戰士新劇場版：序

13‧04‧2008

福音戰士新劇場版：序
(Evangelion: 1.0 - You Are (Not) Alone)

想來跟我這個年紀的大多已看過新世紀福音戰士這套動畫，
跟Mr. Films-watcher說起哪些定格無聲分多鐘的畫面，
及無對白大字報的結局，大家都笑了出來，
不得不佩服，他真是記得很仔細又清楚！
相反，我都只是一些依稀的回憶吧，
而且極多地方都是不明不白的，對我來說...

今次的新劇場版前兩段跟從前的沒甚麼大分別，
只改變了使徒少許的外貌。
反而完場字幕後的下回預告，真的跟原本的差了很遠，
什麼外太空五號機駕駛者，渚薰...
哈哈！笑了很久！文盲跟大鄉里！
他向上望著地球的畫面，感覺有點像機動戰士高達呢。
片尾曲是宇多田的Beautiful World，不錯，
足足於戲院聽完整首都不覺沉悶，但還是較喜愛以前的那首。

對下回及新結局抱有極大期望呢！

各Eva迷不可不看，推介指數: * * * * * (五粒*為最高)

投名狀 + National Treasure 2

原來戲院係咁重要！

12月24日，o係沙田UA睇投名狀，諗住佢裝修o左之後未試過，
點知佢淨係裝修o左counter位....
d院就完全冇旭過!
更甚者連以前upper ground果d都叫ok o既院又拆埋，
淨返under ground果3個院。
我o地睇投名狀果個院唔算細，但個screen就細過學校projector screen!
由於買飛時唔知碇，買o左後排位置，根本仲衰過o係屋企睇電視！
我諗o係果個院睇戲，一定要買頭3行....
痴線的！ Blacklist 沙田UA！價錢又唔係特別平...
攪到入到去睇戲都唔係好睇得到套戲做緊乜，
投名狀套片又比教暗同黃，好睇都變唔好睇啦...
so, 呢套冇comment!

12月25日，o係the grand cinema睇National Treasure 2，
之前都o係依間睇過beowolf，真係好正，
o係前一日o既沙田UA襯托下，完全係天堂同地獄o既分別！
screen大，院大，座位寬敞，見唔到前面果排頭，正正正！
老實講National Treasure 2冇上集咁刺激，
比平時d盜墓or懸疑片都差d，男女主角都冇乜戲，
反而男主角o既dad & mum就演得唔錯。
不過o係the grand cinema度睇就覺得套戲變得幾好，
好期待下次再去grand cinema度睇戲呀！
我最喜愛的戲院已經由海運同旺角GH變成grand cinema喇！
雖然地方係隔洩o左少少，但個院真係正到就算專登入去睇都係可以接受o既。

魔間傳奇

16‧12‧2007 - I am legend‧魔間傳奇

全片除o左廚房開餐果幾分鐘我係唔驚外，
其餘都係十分刺激！
Will Smith都有戲o既，但又唔係話好驚喜囉，
佢要勒死sam時只係一般感人，
反而佢救sam同sam死後得返佢一個呢兩段真係做得幾好。

不過套片唔知係咪想當傳奇咁拍，
講到will smith個角色係拯救世人咁，
但我覺得佢都唔係話點偉大，
最多都係為救兩姊弟而同dark seeker一獲熟o者。
仲要，我估如果唔係佢全家死哂，佢一定唔會咁做添...

另外，dark seeker boss想救佢條女(我自己估o既)，
勁諗計去捉will smith呢個idea 正~
喪屍都有感情，咁will smith犧牲自己救佢o地都好合理。

成套戲唯一唔滿意o既係Samantha呢個名!
其他都好好~

鐵三角

鐵三角

selling point絕對係徐克+林嶺東+杜琪峯三大導演同執一部電影！

成套片最深印象係兩part槍戰，前part攪笑，
後part好杜琪峯草叢式，正！

套戲由3 parts組成一套戲，勉強可以，
但就覺得唔夠到位同埋有d夾硬feel...
果個酒吧比塊金佢o地o既老人出場ok，但ending時唔知佢出o黎做乜...
林熙蕾唔知點解一著o左件肚兜就會同任達華跳埋d kind舞，
林家楝比人扑o左咁多獲甘o既, 都仲可以不死地無限復活...

其實整套戲o黎講水準屬麻麻，冇咩震撼，亦都冇預期咁多火花...

無名火‧ Shoot 'em Up

01‧11‧2007 - Happy 7th Anniversary

無名火‧ Shoot 'em Up

Cult到爆，太正了！Michael Davis呢套戲比塔倫天奴更出色。
對白超掂！令人拍案叫絕！演員擺明攪 gag演出！
拍攝手法令全片更生鬼，動作特技都唔錯！
其中有一幕男主角先與敵車對撞，再來個炮彈式一支箭地直插入敵車後座，
旋即用槍準確地橫掃敵人，男主角更加一句：這就是不扣安全帶的代價了！
當堂令我忍唔住爆笑o左出o黎，太強勁！

愛看cult片o既人，熱烈推介！

迷你魔界大冒險

01/10/2007

呢套動畫都ok o架，講個細路去o左個超級迷你的地方，
無論係人定物件都係肉眼唔多睇到o既~
咁去到之後，做o左大英雄，滅o左魔王，又得到公主~
最後可以搵得返爺爺又保留到爺爺間屋。

最慘就係好似同公主要十年先見到一次，仲要個公主唔算好靚又刁蠻~

阿波卡獵逃

29/09/2007

呢套正呀~ 我就覺得有d似宗教片喇~
因為有度講d邪惡獻祭，拜邪神呀咁，最終都係惡有惡報啦~
生劏個心出o黎勁核突呀~ 仲有搵d蟲幫個仔縫傷口，真係睇見都痛~
套戲男主角動作做得唔錯~ 有d似壯年成龍~ 令劇情緊湊~

天眼救末來 ．Next

??/09/2007

尼古拉斯基治，老到亞伯咁仲要學人追女仔...
好在有個大波女，同埋故事橋段尚可搭救！

博擊戰 ．Rogue Assassin

23/09/2007

出埃及記 ．Exodus

16/09/2007

攪到我依家對胡桃夾子的木偶公仔有恐懼，
我好唔鍾意溫碧霞！

男兒本色 ．Invisible Target

21/07/2007

淨係記得龍之子房祖名於爆炸死前一幕算演得不錯...

哈利波特5:鳳凰會 ．Harry Potter 5

15/07/07

書就第五本最悶，可謂又長又"cham"，但第五集戲又拍得不錯喎，
幾刺激，期待第六集，書我就覺得六係最好，
有冇人有第七本大結局? 我唔想買了...

變型金剛

29/07/2007

超正，超緊張刺激，一定要入戲院睇，睇到心跳加速又手心冒汗呢！

巴黎愛漫遊 ．2 Days In Paris

07/07/2007

麻麻地，都幾悶，早知唔去睇...

跟蹤 ．Eye In The Sky

08/07/2007

徐子珊做得唔錯，演入世未深o既新人o岩哂佢，
任達華又係做得好好，好人有好報o既角色都o岩佢，
梁家輝真係要做死一世果d痴線o既變態佬角色，做得好好！

虎膽龍威4.0 ．Die Hard 4.0

01/07/2007

布斯偉利士係老o左好多，但呢隻4.0依然強勁，寶刀未老！
對比尼古拉斯基冶果d老o野扮後生，真係好好多！

盜海豪情13王牌 ．Ocean's Thirteen

10/06/2007

Fantastic Four 2 ．神奇四俠：銀魔現身

16/06/2007

加勒比海盜:魔盜王終極之戰 ．Pirates of the Carribean: At Worlds End

24/05/2007

28週後 ．28 Weeks Later

02/05/2007

Spider-Man 3‧蜘蛛俠 3

26/05/2007

The Last Mimzy‧未來接觸

09‧09‧2007 - 未來接觸‧The Last Mimzy

上星期日睇o既係未來接觸，
又一套穿越時空o既movie，
唔通d編劇全部睇哂《時空旅人之妻》了??

未來o既人類內心思想等受到污染，
未來科學家為o左拯救人類，以高科技整o左幾隻智能兔公仔-mimzy，
派佢o地返o黎唔同時代o既地球收集人類未受污染o既dna返去。
最掂係愛麗絲夢遊仙境入面隻兔原來係另一隻mimzy，不過佢就未能完成任務。
有兩兄妹，妹妹好純真，所以被挑選遇到最後一隻mimzy，
佢得到哥哥o既幫忙，爸爸o既信任，
所以最終能夠完成任務，並且成功送返mimzy去未來。

未來接觸大概係一套兒童片吧，
真的很好看，帶o左d shocking比我，
原來外星人可以係未來o既人類，
咁唔同o既星球就可以係唔同時空o既地球吧，
咁呢個宇宙內可能有上百個我的存在?
只係大家都唔可以穿越時空o既阻礙?

片中唯一我覺得唔好o既係對佛理呀果d講d唔講d，
9唔搭8咁，不過冇影響我對套戲o既故事o既好感。

睇完之後，行出戲院時有個細路仔問佢parents，
如果真係有呢d事發生，佢o既parents會唔會信佢，
個mama答佢有呢d事先算，細路再問真係有呢?
mama就答一定冇呢d事...
呢個問題比我就會答信，不過一定要講清楚發生咩事，
因為我唔會係咩都知，只要佢認為講o既係真話，我會信任佢。
又或者可能我自己都信呢個宇宙存在不同時空之說。

不能說的秘密

05‧09‧2007 - 不能說的秘密

同乳鴿去o左睇j周o既不能說的咪咪，
呢套係講廿年前o既桂綸美得到了一份可以帶領佢穿越時直o既琴譜，
於時佢就去到前年後，唔知點解淨係j見得到佢，咁就同j相識o左。
劇情發展低能到不行，因為桂綸美成日只係睇o左一o野眼前事物就呷醋，
然後就即刻咩都唔問亞j咩事就咁死返去廿年前o既世界，
但又要唔捨得，於是得閒又再返去廿年後有j o既時空，
就係咁佢又講o左呢個咪咪比9喱黃秋生知，即係j老豆，
黃秋生揚開o左呢個咪咪，d人以為桂綸美痴o左線，
佢亞媽仲比d精神病o既藥佢食，佢條死蠢明知自己唔係精神病，
但佢覺得連亞媽都唔信佢，就賭氣爛命食果d藥，
於是身體就差到嘔電，個樣扮鬼都有人信... 之後仲死埋...
最後j終於發現桂綸美呢個不能說的咪咪，
o係部琴就o黎比流星槌打中之際，返返去廿年前桂綸美o既時空，
咁就完o左la。

故事一般膠，唔算感人，但j做得唔錯，
係桂綸美果個角色性格太low b出事，
而且個樣又唔靚，氣質就屬於廿年前o既...
我鍾意晴依多d，比我係j，理得桂綸美死，
我一定會同晴依一齊，乳鴿都係咁話，
所以我都係覺得乳鴿係一個睇樣only o既人，
諗起佢一個tone唱: 是誰... ，我就笑到不能自拔...
另外，我覺得唔駛搵黃秋生做老豆o既角色啦，
都冇得發揮o既，專攪gag only...

穿越時空的少女

01‧09‧2007 - 穿越時空的少女

上兩星期6 & 日o係火車度睇o左穿越時空的少女同埋部份o既地海傳說，
宮崎駿班底製作o既穿越時空的少女，
比起宮崎駿個仔o既地海傳說好似好睇好多，
可能因為只係睇o左一少部份吧，總覺得都唔知地海係想講乜o野...

穿越時空的少女係講一個高中女生-真琴，
在意外之際得到未來人-千昭o既幫助及時間機器，
一路以為自己只想同千昭做好朋友的真琴，
在多次穿越時空後發現自己對千昭o既真實感情，
繼而決定用最後一次的時空之旅幫助千昭返回未來。

魔女亞姨個等果個人大概都係時空之旅人吧...

一個頗為感人的故事。

----
Mr Films-Watcher按:穿越時空的少女唔係宮崎駿班底製作.
呢套野同其他時空片最大分別係, 其他多數係利用時空返回過去搵真愛
而呢套既女主角就係為左逃避愛情所以返回過去

Evan Almighty‧o黎多件衰鬼上帝

26‧08‧2006 - o黎多件衰鬼上帝

今個星期睇o既係o黎多件衰鬼上帝，
比起第一集，呢集的確係冇咁攪gag，
我仲記得第一集占基利倒奶果幕，睇o左幾次都係笑唔停，
就算依家諗返起，都會"咭"一聲笑出o黎。
今集d笑位有d牽強，叫男主角造方舟o者，
唔駛攪到佢成個挪亞咁樣呀，
不過見隔離位大嬸笑到咁hi，證明o左呢d笑位都係成功o既。

上一集講我o地向神o既祈求，神係會聽到，
但係唔會我o地求乜佢就直接比乜，如果真係咩都比o既話，
呢個世界就會大亂，所以神自有佢o既主意，
我o地唔應該怨佢唔聽我o地o既要求。
呢一集延續o左上一集祈求呢個topic (ARK)，
如果我o地去求，神會比機會我o地去實現我o地o既祈求，
而唔係我o地祈求d咩，佢就比d咩我o地，都係想講神自有主意吧，
佢唔會容許某一少撮人o既貪婪，而傷害到佢愛及愛佢o既大部份人，
只要我o地信及悔改，就會得到救贖。

有信念，懂感恩係好，因為可以減少好多貪念，知足永遠係快樂o既，
但凡事求神，求人，就太傻喇，
須知道神係會比機會你，比你求到，但你唔識把握都係冇用。

Rush Hour 3

19‧08‧2007 - Rush Hour 3

o係sampson's同rush hour 3入面抉擇~
揀o左成龍o既作品，亞森...留待vcd再看吧~
成龍近年作品往往比人on9式笑片o既感覺，
大概真係老了，打不了那麼多，
跟全宇宙最好打o既donnie差了十萬八千里~

rush hour 3無疑是一套攪笑式動作片，
隔離位亞伯笑到流口水，仲抹落去亞婆度，
恐怖卻惹笑又溫馨~ haha~
成龍今集就真係打得麻麻地了~
平時都會好多時玩檯玩?o架，今集少o左好多~
而且對手又唔勁~ 打得有d悶~
唔係佢d爛gag式笑位同o係巴黎鐵塔上打鬥o既靚靚夜景搶救~
套片應該會變成2007年大爛片了~
或者，成龍唔應該再拍hollywood片了~
反而佢有份拍o既港片ok~ 起碼冇咁賣笑先~
成套戲，最搶係個的士司機~ 表情又夠生鬼~
super spy~ 最後仲救返成龍佢o地條命仔，真係估佢唔到~

女角方面仲衰~ 張靜衫戲份少得可憐~ 得d攬攬鏡頭only..
果個日本女人又老又醜~ 淨係識得走~
喪蛇果個女人身材係ok，不過樣唔靚~ 一樣out...

題外話: 近排應該會經常睇到連體夽孤魂o既trailer，
雖然我只係望o左d恐怖o野一眼咁多，之後全程冇再睇~
但都覺得呢套o野好恐怖呢~ 好得人驚呀~
鍾意睇鬼片o既人，記得去睇了~ 應該唔會失望囉~

叛諜追擊 3：最後通牒 (The Bourne Ultimatum)

12‧08‧2007 - 叛諜追擊 3：最後通牒

繼星期6睇戲後，星期日都係睇戲~
今次睇叛諜追擊 3，我諗我應該冇睇過1&2喇~
冇哂印象o既~ 不過都明個故事講咩o既~
套戲講麥迪文演繹o既黑暗特工Jakson Bourne失去o左過去o既記憶~
對於女友因自己而被殺感到愧疚~ +上自己又被中情局高官追殺~
於是決定找尋自己o既過去，搵出真相~

麥迪文o係呢套戲入面打得都好勁下~ 勁過成龍~
全片劇情緊湊~ 作為第三部曲結局o黎講算不錯~
起碼唔係虎頭蛇尾，草草作結就算~

導火線

11‧08‧2007 - 導火線

好耐冇update個blog喇... 其實呢段時間都睇o左好多套movies~

有just ok o既fantasy 4~ 超索的Jessica係呢套movie 最吸引之處~

打到好激o既die hard 4.0~ Bruce 打得又演得~
特技場面有睇頭~ 好多車呀戰機呀直升機呀咁全部炒埋一堆~

我最鍾意變o左black spider o既spiderman 3~
mary jane 幾時死呀? 蜘蛛女好樣衰呀...

港片跟蹤，前排立o左兩眼tvb o既PTU，見到徐子珊就想車巴佢~
不過o係跟蹤入面又ok喎~ 任達華做狗仔差人，好戲依舊~
梁家輝做kind子劫匪，角色好o岩佢~ 真係好kind~
可惜，黎耀祥今次個甘草角色冇咩發揮機會....

估佢唔到會咁正斗o既harry porter 5~ 估佢唔到o既原因係書入面呢本最悶~
名副其實又長又沈~ 雖然harry porter係越大越醜樣，但都內心戲不俗~

同埋十萬個緊張刺激+令人手心冒汗o既transformer~ 柯柏文好型~ 粒allspark都整得好靚~
外+大黃蜂同男主角o既感情令套movie唔止係特技片~ 10個讚!!!

o岩o岩呢個星期6睇o左導火線~ 有我喜愛的donnie yan~
套片都幾攪笑~ 古天樂佔o左一大功, 仲有肥ken同呂良偉都係~
呂良偉有2,3幕kind o野, 真係比佢笑死~
一幕係o係disco跳舞+正面定格，超on9~
另一幕係o係prison入面無啦啦扭c忽跳舞~ 神情動作極惹笑~
仲有一幕係佢比古天樂用車撞到飛o左上天，再比donnie用追擊槍射返落o黎~
令人笑個不停~ 當然selling point絕對係donnie yan o既動作場面啦~
每次睇佢打我都會血脈沸騰~ 佢好似識輕功咁...
可惜今次係警匪故事, 佢需要有少少內心戲, 唔係淨打就得~
呢個係大敗筆~ 撇開呢點同唔知做乜o既范冰冰唔講o既話~ 套戲都ok o既~

辣手槍‧Shooter

29‧04‧2007- 辣手槍‧Shooter

套戲講述一個愛國軍隊狙擊手三番四次遭人出賣，
於一次行動中，同伴都被亂槍掃射死了，
從此，狙擊手便歸隱山林，與一隻識飲啤酒的大狗為伴。
可惜，有才能的人始終逃不過再之被卑鄙的政客出賣...
以為執行救總統的任務，原來是被利用作狙殺別國要員...
還慘被架禍通緝，於是狙擊手唯有為自己及死去之同伴進行一之辣手反擊...

故事略嫌呆板同欠缺新鮮感，幸好拍攝手法不俗，因此放蚊時間不多，
片中不少槍械描述... 由於無此認識，故未能分虛偽與否，
沒有健碩及靚仔的男主角是本片一大敗筆... 好在女主角角色討好...
女主角開槍打死幾件果幕，令我留下深刻印象，但卻太似曾相識...
好多情節都估到，但大配角果個FBI表現極佳。
有一幕講特工逼人扮自殺死那場戲十分惹笑...

十分愛

22.04.2007- 十分愛

想睇呢套戲係因為好多人話佢好寫實~
冇錯~ 其實套戲都講o左好多人平時會遇到o既o野~
不過一次過講得太多樣o野~ 比較亂同突兀~ 唔得連貫同深入~
你要我分好唔好睇~ 我會答你ok~
ok在個套戲同現實有相符~ 唔ok在咩都講咩都拍~
雖然唔算係拍得好o既電影~

老實的說，戲入面太多o既o野我自己都遇到過，又或者身邊曾經有朋友係咁~
特別係13,14歲果時~ 差唔多所有o野都見識過~ 諗返都好笑+感慨~

記得，中學時有個朋友~ 唔算係好朋友，不過唔熟我o地o既人會以為我o地係好朋友~
其實佢只不過係咁o岩埋o左我d好朋友堆，玩起上o黎少不免會經常一齊only~
就好似miki同stephy咁，或者會有一方單方面認為係好朋友，
又或者其實大家都冇當過對方係好朋友... 酒肉朋友我有好多~
今日玩完，下個月都唔記得佢係邊個~ 呢d朋友永遠玩過癲過就算~
可以keep到o既知心好友又有幾多個丫~ 之唔係得你同妳咁大把囉~
之但係我懂得quantity同quality o既分別~ 兩樣balance到o既人會開心d~
慶幸亦已經遇上另一位一生都可以被我視為摰友o既你，
雖然我耐唔時就對你發脾氣... 亦都雖然我對你同妳都曾經發過脾氣...

講是非我諗都係13,14歲人o既專利，每日都見面講，電話煲...
我同你呢刻講佢，下一刻你同佢講我，再下一刻我同佢講你~
其實大家都知自己講人時，自己都會比人講返~
呢d所謂o既秘密... 真係講唔少...
人大o左~ 就知呢d係講是非，而唔係講"秘密"~

好朋友之間都係會有秘密o既，就好似stephy同鍾+欣咁~
多少個你我他的故事怎能說出口... 睇到你受傷仲衰過自己受傷啦...

就如戲內stephy一角一樣，你問我信唔信愛情，我都會係信自己多d~
見過身邊太多個故事，唔係唔信愛情，只係認為唔能夠完全相信...
唔係唔信對方，而係唔信現實o既環境~
只有自己做好d~ 起碼被拋棄的話都只係因為有人比我好，而唔係自己唔好~

至於小武一角就有欠真實喇~ 好有韓片feel~
不過睇戲誇張d都好o既，唔係邊得o黎幻想空間~

總之，呢套戲都幾o岩女仔睇o既，因為十個女仔應該有九個都經歷過大致相同的~

姨媽的後現代生活

15.04.2007 姨媽的後現代生活

套戲以一個上海女人的後半生作題材~
由斯琴高娃演繹上海女人一角，很稱職~
斯琴高娃好有貴族後裔的氣質，扮演起受過高等教育的女人上來可說是得心應手~
但老實講，可能先入為主吧~ 都係好大宅門喎~
冇乜驚喜~ 只可以比佢80分~

咁多個配角，周潤發係最搶戲的一個了~
多個笑位都係由佢帶出~ 做一個中年o既風流騙子很出色~
當中拎住個西瓜爬樓梯上12層果幕真係笑到標眼水~
而且佢講d大話真係好大話~ 比佢呃到o既人應該都係心甘命抵啦~ 比90分佢丫~

其實成套戲最吊詭o既就係~ 呢部明明係一部小品~
何以找來久石讓做配樂呢?? 不過一開頭d音樂真係幾吸引~

我成日以為東北係d好似哈爾濱咁o既旅遊地區~
點知，最後發現似果d俄羅斯核廢墟多d~
d工廠就o係你住果間屋隔離~ 街上都係一層層好似比d灰蓋住一樣~
想像得到，吸一口氣可能全部都係塵~
如果我係葉如裳o既話，我都唔會想留o係呢度~
因此，我覺得自己很幸運，可以o係hk出生~ (每次看到貧困國家的介紹都會咁諗)

綜合各種原素，許鞍華導演都可以稱得上係一個好導演~
知人善用~ 令一向不看好中國小品的我都覺得算的上是水準之作~
可是，不知何時才會有另一部比大紅燈籠高高掛更震撼我心o既中國電影~
如果撇除卡士陣容呢個因素~ 黃金甲同大紅燈籠都仲係爭9條街~
鞏俐已經變成完完全全o既Hollywood女星了... 星味十足，卻內容不足...

題外話，第一次o係PP AMC度睇戲真係好正!!! I'm loving it!!! 好過ifc十倍!
再題外話，見到下期上映西片愛在遙遠的附近~
唔知點解淨係睇到個名同個board已經想睇~ 再+上眼利o既發發望到有黃秋生份~
而配樂更是郎朗~ 不期然好感彪升~ 決定望一望套戲講咩先~
o岩o既話，不妨o係PP AMC睇多一次丫~

魔疫‧The Reaping

套戲令我聯想起魔鬼666~ 我直情覺得佢似前傳~

起初以為係單純講述個科學家想破解聖經十災，但最後都被神積感動~
點知睇睇下發現套戲係講上帝同魔鬼o既大決戰~ 仲要+入邪教原素~
另外，拍攝手法可以講話係鬼片o黎o既~
於是，我就有9個驚~ 10個驚係午夜凶鈴同咒怨~
因此，我係唔會post套戲o既劇照出o黎o既~ 因為我真係驚喎...

仲有一個我意想不到o既地方，就係原來個女仔係天使...
就係呢個意想不到，令我更意想不到邊邊係正，邊邊係邪...
我不嬲對呢d講邪教o既戲好敏感，係因為我覺得呢個世界上真係存在果d變態邪教~
因為我信有魔鬼，我信有呢兩樣係因為我信有上帝~

下午睇完呢套戲，雖然好多隔離位都話唔驚唔恐怖喎~
仲話客似死神來得人驚好多，但係我到依家諗返起都仲係好驚~
要快d忘記!!

尋找快樂的故事‧The Pursuit of Happyness

25.03.2007 尋找快樂的故事

因為窮到老婆都頂唔順要走佬搵過新生活，Chris仲要養埋自己個仔，做sale賣埋d唔多有用o既o野又搵唔到$... 就好似依家d人sale 有線boardband咁，你話自己係有線都唔方會有生意... 見其他人做股票經紀撈到風生水起，於是膽粗粗走去in~ 死纏爛打比佢做到trainee，但又要挨6個月冇$冇佣咩都冇o既做死人打工生活，極度黑仔窮困下連洗手間同露宿者之家都住過哂。最後比佢憑毅力通過trainee exam，唔駛再挨窮。

因為其他人睇完都話好touch，於是就走去睇，再次證實人o地覺得係o既o野你唔一定都覺得係~
大家覺得佢慘係因為佢要賣血，又要住露宿者之家o者~ 我又唔覺有咩特別喎~ 大陸果條愛滋村d人咪就係賣血先攪到咁囉~ 唔係仲慘咩!!?? 香港夠多露宿者啦~ 有邊個可憐過佢o地丫!!?? 打份工諸多阻仔又做到死咁~ 車~ hk人10個有8個都係咁o架啦~ 唔係含住金鎖匙出世又有家庭負擔果d人香港大把啦~ 睇完之後我淨係覺得好想放假，聽日唔駛返工就好喇...

反而片入面有場chris抱住個仔o係公廁度訓，出面有人勁錫門同撞門等，chris用手掩住個仔對耳果幕我就覺得真係好感人喇~ 佢o既心情我諗係非筆墨所能形容o既~ 我睇到都覺得心up... 好戲!! 仲有拖仔趕巴士果幕，個仔跌o左個超人公仔果度，個仔都好好戲!!

新Blog面世‧電影世界

一路以來都想寫一個有topic的blog，對於diary形式記下生活點滴已經厭倦了，大抵是因為發現自己的生活都是一個format吧... 曾經，覺得一個星期看一、兩套戲的生活很平淡，但是最後卻發現這就是最適合我們的生活方式，亦都感到滿足了。對於能有共同興趣真的很高興... 為此決定要記下所有我們經歷過之興趣，再供諸同好...

五天了... 終於完成‧戰狼300

18.03.2007- 戰狼300

擁有8塊腹肌的斯巴達國王雷奧尼達被奸人議會議長及古老的淫邪律法所害，只能率領驍勇擅戰的300個精銳戰士(300x6腹肌...)，對抗穿了很多環的波斯國王薛西斯(感覺好像泰國或印度人... 是祖先嗎??)及其千萬雜牌異軍，於是造就了吸引極多蒼蠅的溫泉關戰爭。遇敵殺敵的斯巴達戰士誓死將波斯大軍擊潰以保家園，卻因為族中一個生得與鐘樓駝俠如一轍的異形人抵抗不了美色及金錢誘惑而遭到出賣，最後300個只死餘一個... 連8塊腹肌都壯烈犧牲...

連串的特技及戰爭場面令影片的可觀性十分高，值回票價，而斯巴達國王與王后之間的感情，是因為要英雄化的關係吧... 令片中有著令人哀怨的遠古時代愛情片的影子。不過老實的說，並沒有想像中好看，可能是期望過高吧，還以為是歷史戰爭片... 總之是沒有帶出任何message，就像只為了賣弄特技一樣...

看畢此片，忽然想起其實現今的世界都充斥著同性戀、party sex、畸戀等，還有日益嚴重趨勢，我不是反同性戀者，只是覺得他們真的是天生的嗎?? 看當時文明的波斯... 與現今社會不無相似之處，那麼亦就如聖經所說的被消滅?? 請留意聖經中提及被滅的國家，被滅前大多出現以下狀況：淫亂、拜假神、自以為是什麼什麼有文明的國家，實在是與現今社會一模一樣...